لا وايه كلام فى سرك مؤهل عالى كليه تجارة امال بتوع طب وهندسة وغيرهم يعملوا ايه ....طب والله انا عاذرة الشباب اللى اتخرجوا دول وشايفين المستقبل قدامهم ابيض ..اه ابيض وبلاش نقول حاجة تانية لانه فعلا ابيض بالبلدى كده ميح على رأى الزعيم احنا فى زمن المسخ ربنا يلطف بينا .

 

 

وبعدين ما هو انا برده خايفة على مستقبلى ومستقبل جيلى من هذا المستقبل الأبيض وربنا يستر وصدقونى مش بقول الكلام ده عشان اعقد الناس اكتر ماهم متعقدين كل الحكاية انى الاعلان ده استفذنى واستفذ معظم الشباب يعنى بالعربى كده مافيش شغل مناسب لا لمؤهل ولا لخبرة ولا لدراسة ولا لكع فلوس على مدى 15 سنه فيما فوق وسهر وتعب ودراسه ومجهود وخد عندك بقى .والمشكلة انى فى وظايف وشغل كتير بس الباس وورد الوحيد لاى وظيفة هى الوسطة والمحسوبية والذى منه وامه داعية له بقى اللى له حد فى بترول ولا كهربا ولا وزارة جامده كده.

 

يلا هنقول ايه بقى بلد بتاعة شهادات صحيح ومنوووووووووووووو له

 

والمشكلة والمشكلة الأكبر انك لو لحقت القطر بالظبط زى ما يفوتك القطر لانى النهاية واحدة ضياع وفشل وانحراف ومش معنى كلامى انى بستهيف الشغلانه البسيطة او الحرفية لا سمح الله لكن يعنى احنا لازم برده نحط النقط على الحروف وكل فرد ينال حقه عشان يبقى زى ما بنقول كده لكل مجتهد نصيب .

 

 

ده احنا لو حتى فكرنا بعد كده وكل اللى قاعدين على القهوة راحوا اشتغلوا اى شغلانه وزى ما بيقولوا كده هيوصلوا يبقى عمرهم ما هيوصلوا واستحالة يوصلوا لانى القهر والغضب عمرهم ما يكونوا اساس لشىء ناجح يا جماعة ده للصبر حدود واصعب احساس فى الدنيا هو الشعور بالظلم وان الله لا يضيع اجر العاملين وربنا معانا ومعاهم ومعاكم.

 

              واستودعكم الله الذى لا تضيع ودائعه